16 Июль 2013

У публічных месцах Мінска з’явяцца стэнды з візітоўкамі грамадскіх арганізацый

000aIMG 20130709 131010

У бібліятэках, кінатэатрах, інтэлектуальных кавярнях сталіцы і абласных цэнтраў з'явяцца стэнды з візітоўкамі недзяржаўных арганізацый, ініцыятыў і кампаній. Гэтак плануецца зрабіць грамадскія арганізацыі больш заўважнымі.

Дзявятага ліпеня ў мініскім офісе Цэнтра прававой трансфармацыі Lawtrend быў прэзентаваны праект "PR cацыяльна значных праектаў" у межах грамадскай ініцыятывы PRацоўня сацыяльнай рэкламы. Місія праекту – зрабіць станоўчае больш заўважным у соцыюме.

У папулярных людных месцах сталіцы і абласных цэнтраў Беларусі размесцяць стэнды з візітоўкамі разнастайных недзяржаўных арганізацый, ініцыятыў, кампаній, курсаў.

Мяркуецца, што такімі люднымі месцамі будуць бібліятэкі, кінатэатры, інтэлектуальныя кавярні. Сярод удзельнікаў пілотнага праекту – і часопіс па правах чалавека LawtrendMonitor, і кампанія "За НЕсмяротнае пакаранне", і Офіс па правах людзей з інваліднасцю", і дабрачынная крама "Калі Ласка", і Задзіночанне Беларускіх Студэнтаў.

Больш візітовак можна пабачыць тут.

Аўтар ідэі – кіраўнік Lawtrend Алена Танкачова, каардынатар і капірайтар – Юлія Рымашэўская.

Паводле Юліі, такі праект наспеў даўно: "Вось колькі няўрадавых арганізацый ці ініцыятыў назаве звычайны жыхар Менску, калі яго прыпыніць на вуліцы – і запытацца? 10? 5? 30? А насамрэч іх толькі зарэгістраваных – каля трох тысяч. А ёсць яшчэ тыя, што не патрабуюць рэгістрацыі і тыя, што не зарэгістраваныя з іншых прычын".

000aIMG 20130709 134334

Бракуе вядомасці праектаў НДА, на погляд Юліі, – недастатковыя высілкі распаўсюду пра сябе інфармацыі, а таксама абыякавасць да сацыяльнай праблематыкі з боку СМІ:

"Паводле некаторых даследванняў, у постсавецкіх рэспубліках унікальна высокі ўзровень даверу да інфармацыі, падаванай СМІ. Таму, акцэнтуючы ўвагу на той ці іншай з'яве, праблеме альбо наадварот, ігнаруючы нешта – СМІ фармуе ўяўленне пра гэта ў сваіх чытачоў, слухачоў, гледачоў. А тэндэнцыі, агульныя для журналістыкі паўсюдна – гэта пошук сенсацыі і скандалу і негатыву. І гэтага негатыву ўвесь час более. А тым часам добрага не становіцца менш. Яго проста ўсё меней заўважаюць. І, на наш погляд, добраму і станоўчаму ў жыцці патрабуецца PR. Яго "ёсць у нас", як той казаў. Мы спадзяемся на падтрымку з боку СМІ. Давайце падкрэсліваць – патрэбнае ў жыцці. Курсівам ці bold: як заўважней".

Адказваючы на пытанні пра будучае развіццё праекту, Рымашэўская падкрэсліла значнасць выкарыстання ўсяго патэнцыялу зробленага: "Часцяком здараецца, што файны прадукт губляе сэнс ад недапрадуманасці распаўсюду. І ляжыць, сам сабе такі прэўкрасны, на паліцах, пыліцца. Мы не жадаем патрапіць у гэтую пастку. Найперш зробім акцэнт на распаўсюдзе нашых стэндаў. Шукаем аднадумцаў і адкрыты да прапаноў пляцовак для іх".

000a681604451857051 1038795800 n

Источник: www.ampby.org

 

 



Добавить комментарий


Код безопасности
Обновить изображение